I ❤ weekends

შაბათ-კვირა ის ორი ჯადოსნური დღეა მთელ კვირაში, რომელიც ერთნაირად უყვარს მგონი ყველას – დასაქმებულს, მოსწავლეს თუ სტუდენტს. სკოლიდან მოყოლებული, ჩემთვის ეს ორი დღე ასოცირდებოდა, უპირველესად, დილით კარგად გამოძინებასთან 🙂 მთელი დღე უსაქმურობასთან, წიგნებთან და ფილმებთან გატარებულ საათებთან ან, უბრალოდ, გარეთ ძალიან ბევრ სეირნობასთან 🙂

შაბათ-კვირას 12 საათზე ადრე მხოლოდ იმ შემთხვევაში ვდგები, თუ ვინმე მაღვიძებს ან სადმე ვარ წასასვლელი 🙂 მიყვარს დილაობით პიჟამოთი სიარული, სასტიკად მეზარება ხოლმე ცივი ტანსაცმლის ჩაცმა 😀 ჩემი ნება რომ იყოს მთელი დღეც არ გავიხდიდი 😀 მიყვარს სტრესის გარეშე მიღებული დუში, ნელა დალეული ჩაი (ორსულობისას ყავაზე თავს ვიკავებ და სამაგიეროდ კილომეტრზე ვგრძნობ მის სუნს და თუ კი ვინმე სვამს, ნდომისგან სულ ნერწყვებს ვყლაპავ 😀 ), მიყვარს ფაცი-ფუცის გარეშე შემოვლილი საიტები, ესეც დილის რიტუალების ერთ-ერთი შემადგენელი ნაწილია 😀

შაბათ-კვირა ის ორი დღეა, როდესაც შეგიძლიათ სამზარეულოში მიხილოთ 🙂

Typical Weekends =))

მოუცლელობის გამო მხოლოდ კვირის ბოლო ვახერხებ რაიმე კერძის გაკეთებას 😀 კვირის დღეებში შეიძლება დროც მქონდეს მაგრამ იმდენად დაღლილი ვარ ხოლმე რომ საჭმელების კეთების ნერვი აღარ მრჩება 😀 მოგეხსენებათ, დიდად არ ვგიჟდები ამ პროცესზე და შესაბამისი განწყობა ნამდვილად მჭირდება ხოლმე 😀

დღეს გადაწყვეტილი მაქვს გუფთა და ქათმის სალათი გავაკეთო. ორსულობისას ჯანსაღ კვებას დიდ მნიშვნელობას ვანიჭებ 😀 ვცდილობ ნახევრად ფაბრიკატებს ავერიდო მაგრამ როგორც უკვე ვთქვი, როცა დრო არ მაქვს, ეგენი ყველაზე კარგი გამოსავალია 😀 სამწუხაროდ, თორნიკე სახლში არ არის და ვერ დამეხმარება გაკეთებაში, თორემ ის ჩემზე ბევრად უკეთესი მზარეულია 😀 ძალიან მიყვარს ერთად როცა ვაკეთებთ ხოლმე საჭმელს ❤ უფრო სახალისოა და კარგად ვერთობით ხოლმე 😀 ცუდია რომ ამის დრო ხშირად არ აქვს 😦

მერე დავჯდები და წიგნს წავიკითხავ – ჰერმან ჰესეს “ტრამალის მგელს” ვკითხულობ ახლა. ცოტა მძიმე წასაკითხია, მაგრამ ძალიან საინტერესოდ აქვს დაწერილი ჰესეს ადამიანის შინაგანი სამყარო და მოსაწყენი წიგნი ნადმვილად არ არის 🙂

P.S. ერთ პოსტში ყველაფერს მივედ-მოვედე 😀 ამას ქვია “ამოხეთქაო” 😀

სტრესის დასასრული. კეთილი იყოს თქვენი მობრძანება უქმეებში :)))

 

Advertisements

დაბრუნება

დიდი ხნის პაუზის შემდეგ ვწერ ამ პოსტს 🙂

ხელები მექავება ხოლმე ისე მინდება ჩემი აზრების ფრქვევა 😀 უბრალოდ დღეს ამისთვის იმდენი ადგილი და გზა არსებობს, ფბ-დან დაწყებული, ფორუმით დამთვარებული, ნაცნობ-მეგობრები თავისთავად 🙂 ყველგან აქტიურობას ვეღარ ვასწრებ, სურვილის არსებობის მიუხედავად 🙂

მოუთმენლად ველოდები მზის გამოჩენას,თბილ დღეებს, კარგ ამინდს და გარეთ სეირნობის განწყობას 🙂

მანამდე კი ჩვეულებრივ მიდის ყველაფერი – ჯიპაში დავდივარ, გაზეთში ვწერ (სამწუხაროდ მხოლოდ კვირაში ერთხელ, მეტჯერ უბრალოდ ვერ ვასწრებ), ვჯუჯღუნებ და ვწუწუნებ მომატებული ძალებით, თუმცა ახლა ამის საპატიო მიზეზი მაქვს 😀 და არავინ მსაყვედურობს ამის გამო 😀

ამ საპატიო მიზეზს კი ჩემი 16 კვირის ორსულობა წარმოადგენს ❤ 🙂 პატარა ბიჭუკელა 25 ივლისის მერე დაიბადება 🙂

It's a boy!!!

მართალია წერო ძალიან მოულოდნელად არ დაგვტყდომია თავს, მაგრამ შოკიდან გამოსვლა არც თუ ისე ადვილი იყო 😀 2-3 კვირაა რაც წესივრად აღვიქვამ ბაო-ბაოს არსებობას, იქამდე მარტო ვნერვიულობდი რა და როგორ იქნებოდა 🙂

ფორუმზე “მშობლების კლუბი” ჩემი მეორე სახლი გახდა 😀 როცა აღარ ვიცი ვის ვეწუწუნო, მერე იქ ვიოხებ გულს 😀

არ ვიცი შეამჩნიეთ თუ არა ახალი დიზაინი 🙂 სავარაუდოდ, შევცვლი კიდევ,  ვარდისფერი რაღაც ძალიან უწი-პუწი კია, მაგრამ ჯერ-ჯერობით მომწონს 😀

რა არის შენი დევიზი?

ამას წინ ვწერდი, რომ რეკლამის შესახებ სემინარზე ვიყავი-მეთქი. გარდა იმისა, რომ ბევრი საინტერესო ინფორმაცია მივიღე, ერთი ძალიან კარგი ფსიქოლოგიური  ტესტიც გაგვაკეთებინეს. ამ ტესტმა აღმაფრთოვანა მართლა 🙂 ზოგადად, ასეთი ტესტები ძალიან მიყვარს, ინტერნეტში ვეძებ ხოლმე და ვაკეთებ და მერე ინტერესით ვეცნობი შედეგებს 😀 თუმცა, რა თქმა უნდა, ყველაფერი არასოდეს ემთხვევა და მაინცდამიანც სერიოზულად არც ღირს პასუხების მიღება თუ აღქმა 😛

ახლა ჯერ გასწავლით, როგორ უნდა გააკეთოთ ეს ტესტი. მოიმარჯვეთ ფურცელი და კალამი, დაჯექით მოხერხებულად 🙂 და დაიწყეთ. დავალება არის ასეთი – სიტყვა “შემოქმედების” გახსენებაზე, რა ასოციაციები გიჩნდებათ? რა არის თქვენთვის შემოქმედება?  გირჩევთ, არ წაიკითხოთ პოსტი ბოლომდე, რომ ამან რაიმე გავლენა არ იქონიოს ტესტის შედეგზე. ამიტომ რასაც წაიკითხავთ, თან პარალელურად გააკეთეთ 🙂

  • ჩამოწერეთ ვერტიკალურად 16 სიტყვა, რომელიც გაგივლით თავში და უკავშირდება შემოქმედებას. გაითვალისწინეთ, რომ ბევრი არ უნდა იფიქროთ. რაც გაგახსენდებათ, ეგრევე ჩაწერეთ.
  • შემდეგ ამ 16 სიტყვიდან უნდა მიიღოთ რვა. რას აკეთებთ ამისთვის – პირველი და მესამე სიტყვები დააკავშირეთ ერთმანეთს ისე, რომ მიიღოთ ერთი სიტყვა ანუ დაწერეთ  ამ ორი სიტყვის წაკითხვაზე რა ასოციაცია გიჩნდებათ. და ასე მიყევით – პირველი და მესამე, მეორე და მეოთხე, მეხუთე და მეშვიდე,მეექვსე და მერვე და ა.შ.
  • როცა მიიღებთ 8 სიტყვას, შემდეგ ანალოგიური მეთოდით მიიღეთ 4 სიტყვა;
  • 4 სიტყვიდან მიიღეთ 2.
  • ორი სიტყვისგან მიიღეთ ერთი სიტყვა. საინტერესოა რა სიტყვა მიიღეთ 🙂
  • ახლა კი დახუჭეთ თვალები და ამ ერთი სიტყვის გამოყენებით ჩამოაყალიბეთ წინადადება. ბევრი არ იფიქროთ, უბრალოდ ამ სიტყვაზე რა ასოციაციაც გაგიჩნდებათ, ჩამოაყალიბეთ წინადადებად და დაწერეთ.

ახლა კი დახედეთ ფურცელს – მიღებული წინადადება არის თქვენი მოწოდება, თქვენი დევიზი, ფრაზა, რომელსაც თქვენი შინაგანი “მე” აღიარებს და მიიჩნევს სწორად.

როცა მე გავაკეთე ეს ტესტი, არ ვიცოდი რა უნდა მიგვეღო, ხოდა ძალიან ბუნებრივად და ჩემდა უნდებურად ბოლო 4 სიტყვა მივიღე “ფილმი, წიგნი, სახლი, სივრცე” 🙂 შემდეგ ამ ოთხიდან მივიღე “სიმყუდროვე” და “სავარძელი”. ეს ორი სიტყვა კიდევ სხვას რას უნდა ნიშნავდეს, თუ არა სახლს 😀 ხოდა ჩემი ბოლოს მიღებული სიტყვა იყო “სახლი”. წინადადების შედგენა რომ გვთხოვეს, არც მიფიქრია, ავტომატურად დავწერე “ჩემი სახლი ჩემი ციხე-სიამგრეა” 😀 და მერე რომ დავხედე, ჩემ თავზე გამეცინა 😀 ტიპიური კირჩხიბის დევიზი მივიღე 😀 მივიღე ის ფრაზა, რომელიც მართლა მახასიათებს მე და მართლა არის ჩემთვის სრული ჭეშმარიტება 🙂

ახლა თქვენც გაგიზიარეთ ჩემი შთაბეჭდილება 🙂 თუ არ დაგეზარათ და გააკეთეთ ტესტი, თქვენი მიღებული წინადადება გაგვიმხილეთ 🙂

ორი წელი ერთად ♥

უკვე ორი წელი გავიდა. არადა გუშინდელივით მახსოვს ჩვენი გაცნობა 🙂 ორივე ძალიან სასაცილოები ვიყავით ^^

ყველაფერი ნათლად მახსოვს – არც კი მიცდია დამალვა, რომ მომწონდი და სრულიად უცნობმა ადამიანებმა ძალიან ბევრი საერთო აღმოვაჩინეთ ერთმანეთში 🙂

ისე გადიოდა დღეები, რომ საერთოდ არ ვჩხუბობდით, იშვიათად ვკამათობდით, არასოდეს გავბუტულვართ…

ვერ წარმოვიდგენდი ასეთი სიყვარული თუ შემეძლო… მე – სრულიად არარომანტიკული ადამიანი, რაღაცნაირად შევიცვალე 🙂 მაგრამ მთლად შენნაირი რომანტიკული მაინც  ვერ გავხდი 🙂

ორი წელია ჩემ გვერდით ხარ და მე ბედნიერი ვარ ამით ♥ მთლიანად მავსებ, მაძლევ ყველაფერს, რაც მჭირდება, ვგრძნობ შენს არსებობას ყველაზე რთულ სიტუაციებში, მამხენევებ და მამშვიდებ :-* ახლა ბოლომდე ვხვდები რას ნიშნავს გყავდეს მეორე ნახევარი ♥ ჩემი მეორე ნახევარი შენ ხარ – უშენოდ უბრალოდ სრულყოფილად ვერაფერს გავაკეთებ. შენი არსებობა და შენი გვერდში დგომა ძალიან მჭირდება ^.^

ყველაზე მეტად რაც მიყვარს შენში, არის შენი გაწონასწორებული და მშვიდი ხასიათი 🙂 ჩემი აუღელვებელი სიყვარული ხარ 🙂 ამითაც კი ერთმანეთს ვაბალანსებთ 🙂 მე – ყველაზე ემოციური და მშიშარა, როგორც შენ მეძახი – გამოუსწორებელი პესიმისტი 😀  და შენ – ყველაზე მშვიდი და დალაგებული :)დაფიქრებული და მოზომილი 🙂

რამდენი ხანია ერთმანეთისთვის სახელით აღარ მიგვიმართავს 🙂 გახსოვს ბოლოს როდის დამიძახე “მარი”? მე არ მახსოვს 🙂

ყველაზე ყურადღებიანი, ყველაზე მოსიყვარულე, ყველაზე თბილი და ყველაზე საყვარელი ხარ ^.^

არც კი მინდა გავიფიქრო – რა იქნებოდა უშენოდ…

შენ უბრალოდ ჩემი ქმარი არ ხარ… არ მიყვარს  ეს სიტყვა… არც მეუღლე ხარ… არც ეგ მომწონს…. შენ ხარ ჩემი სიყვარული – და რაც კი უკავშირდება სიტყვა “სიყვარულს”, ის ყველაფერი ხარ… ♥ ვნება და ტკივილი ხარ, სევდა და მონატრება ხარ, ცრემლი და სიხარული ხარ, ბედნიერება და ჰარმონია ხარ ♥

ორი წელია გიცნობ, არადა მგონია, რომ მთელი ცხოვრებაა ერთად მოვდივართ 🙂 მინდა რომ ასე გაგრძელდეს… დაუსრულებლად… და ყოველთვის, ყოველ დილით მხოლოდ შენი კოცნა და ჩახუტება მაღვიძებდეს ♥

მიყვარხარ… უზომოდ… და უსაზღვროდ… ბედნიერი ვარ, რომ ჩემ გვერდით ხარ და რომ მე შენ გიპოვე ♥

Love is you,
You and me,
Love is knowing,
We can be….

რეკლამის ფსიქოლოგია

გუშინ ვიყავი ერთ ძალიან საინტერესო სემინარზე. ჯიპამ სასერტიფიკატო კურსების დაწყების წინ რეკლამის სტრატეგიული და კრეატიული მენეჯმენტის თემაზე სემინარი ჩაატარა. პროგრამას რომ გადავხედე, ვფიქრე ყველაფერზე  მინდა დასწრება-მეთქი 😀 ბოლომდე დავრჩი და არც მინანია, თუმცა ისე დავიღალე, რომ ბოლო ორ  გამომსვლელს გამოშტერებული ვუსმენდი 😀

სხვადასხვა სარეკლამო კომპანიების არტ და კრეატიულმა დირექტორებმა სარეკლამო სტრატეგიაზე, სარეკლამო ფოტოზე, ეფექტურ კომუნიკაციაზე, კრეატიულ სტრატეგიაზე და სხვა კიდე ბევრ თემაზე თავისი მოსაზრებები გაგვაცნეს, საინტერესო ისტორები მოგვიყვნენ და კონკრეტული რეკლამებიც შეაფასეს.

პირადად ჩემთვის, ერთი დიდი სიამოვნებაა კარგად გადაღებული რეკლამის ნახვა. დარწმუნებული ვარ, სატელევიზიო რეკლამის დროს ყველა თქვენგანს ნერვი ეშლება და ერთი სული აქვს როდის დასრულდება უკვე მობეზრებული და ათასჯერ ნანახი რეკლამები 😀 მეც თქვენ რიგებში ვარ 🙂 მაგრამ ხშირად youtube-ზე ვეძებ ხოლმე საინტერესო რეკლამებს და ჩემი ნებით ვუყურებ 😀 ასე ბევრად უფრო საინტერესო და სახასლისოა რეკლამების ყურება, ხომ მეთანხმებით? 🙂

სხვათაშორის, გუშინ გავიგე, რომ კომპანია FedEx-ის ლოგოს აქვს საინტერესო ისტორია. შეხედეთ სურათს და დაინახავთ, რომ E და x გადაბმის ადგილას თეთრ ისარს ქმნიან 🙂 რამდენჯერ მინახავს ეს ლოგო, მაგრამ აქამდე ამაზე არც კი მიფიქრია 🙂 როგორც გუშინ აგვიხსნეს, ეს წინ მიმართული ისარი ნიშნავს კომპანიის მუდმივ სწრაფვას განვითარებისკენ.

საინტერესო იყო ასევე ქართული რეკლამების მათეული შეფასებები. მაგალითად, ერთ-ერთ ყველაზე წარუმატებელ სარეკლამო სახედ დაასახელეს კახა კალაძე, რომელიც მაგთის რეკლამას აკეთებდა. მაგთი, რომელიც, ასე რომ ვთქვათ, სახალხო რეკლამებით იყო და არის ცნობილი და მისი “აქაცა რეკამს” და “ხო გადმოვრეკე, აი” ყველამ კარგად იცის, უცებ სარეკლამო სახედ გვთავაზობს პერსონას, რომელიც ფერარით დადის და არმანით იმოსება 😀 თავისთავად ცხადია, სარეკლამო სტრატეგია  ასე ალოგიკურად არ უნდა შეიცვალოს.

ასევე წარუმატებელ რეკლამად დაასახელეს ნატახტარის ლუდის “ტრიდე-ს” რეკლამა, რადგანაც რეკლამაში მოყვანილი კადრები სრულიად არ შეესაბამებოდა ლუდის დალევის შემდეგ მდგომარეობას ანუ მარტივად რომ ვთქვათ, ლუდს კედლებზე არ გაყავხარ და ენერგიას არ გმატებს, პირიქით – გთენთავს. აშკარად “ტრიდე-ს” შემქმნელებს ლუდი რედბულში აერიათ 😀

რაც შეეხება წარმატებულ ქართულ რეკლამას და სარეკლამო კამპანიას, დაასახელეს “თიბისი ბანკის” რეკლამა.

ალბათ ყველას გახსოვთ ეს თამაში, ედმონდ აბაშიძის მიერ დამარხულ ფულს რომ მთელი თბილისი ეძებდა და ბოლოს, 26 მარტს, საქართველო-ხორვატიის მატჩზე რომ იპოვა ბედნიერმა მოქალაქემ 😀 ისიც გეცოდინებათ, ამ თამაშმა რამდენი მითქმა-მოთქმა გამოიწვია და საზოგადოების რაღაც ნაწილს თიბისის მიმართ ნდობა დააკარგვინა, მაგრამ სარეკლამო კომპანიებმა ეს თამაში და მთელი კამპანია ორი ნიშნის გამო გამოარჩიეს – პირველი ის, რომ ამ ყველაფრის შემდეგ Tbc ბანკში დეპოზიტების რაოდენობა 26 მილიონი ლარით გაიზარდა და როცა სხვა ბანკებში პირიქით, ანაბრების რაოდენობა კლებულობდა, თიბისიმ დეპოზიტები 6 %-ით გაზარდა. და მეორე, ეს რგოლი, რომელიც სარეკლამო კომპანია WINDFOR’S-მა დაამზადა, გახდა  მე-18 საერთაშორისო რეკლამის ფესტივალის Goldenrum-ის გამარჯვებული.

გუშინდელ სემინარზე  სარეკლამო სფეროში გადაბარგების სურვილიც კი გამიჩნდა 😀 მიუხედავად იმისა, რომ ყველა საქმე, რასაც არ უნდა აკეთებდე, დამღლელია, მაინც ვფიქრობ, რომ სარეკლამო კომპანია არის სამსახური, სადაც რაღაც მომენტში ერთობი და თან ფულს გიხდიან 😀 შეიძლება ვცდები კიდეც, როგორც იტყვიან, გარედან ყველაფერი ლამაზი ჩანს 😀

პირველი გამოცდა

დღეს ჯიპაში პირველი გამოცდა გვქონდა 🙂 ახლა უკვე ვიცი, რომ ყველაფერმა კარგად ჩაიარა, მაგრამ გუშინ ამ დროს ამ განწყობაზე ნამდვილად არ ვყოფილვარ 🙂 პირიქით, ზედმეტად ბევრსაც კი ვნერვიულობდი. იმდენად ბევრი რამ დაყვა ერთმანეთს, რომ ბოლოში ნერვიულობის მაგივრად, ისტერიულად ვიცინოდი 😀

გამოცდა გვქონდა ინტერნეტ-ტექნოლოგიებში, ჯერ დავწერეთ ტესტი და ორ დღეში უნდა მოგვემზადებინა პრეზენტაცია, რომელსაც წარვადგენდით ინგლისურად. აი ამ პუნქტის გამო განსაკუთრებულად ვნერვიულობდი 😀 ჩემი ინგლისური არ გაიშვას, მართლა რა 😀 დავიყავით ჯგუფებად, შევარჩიეთ თემები, ჯგუფში გავინაწილეთ საკითხები, ავაწყეთ პრეზენტაცია და უკვე რომ ვფიქრობდი, ახლა სახლში წავალ და ცოტას ვირეპეტიციებ მეთქი, უცებ რედაქციაში გავხდი გასასვლელი. სახლში 8-ის ნახევარზე იმდენად დაღლილი მივედი, რომ საათ-ნახევარი გათიშულს მეძინა 😀 ძილს რომ დავეხსენი და ძალიან ძლიერი ყავა რომ გავიკეთე, უცებ დენი წავიდა. ძალიან ძალიან გავბრაზდი 😦 ჩავრთე ნოუთბუქი, რომელიც, საბედნიეროდ, 2 საათი მაინც ძლებს. კავკაზუსში დარეკვებს, ლოდინს და ინტერნეტის გადაერთებებს აღარ ჩავთვლი 😀 ნუ, როგორც იქნა დავიწყე ტექსტის მომზადება. უცებ, სრულიად მოულოდნელად, 11 საათზე კავკაზუსმა “სასიამოვნო სიურპრიზი” მომიწყო და ახლა ინტერნეტი გამეთიშა 😦 არადა რაღაც სიტყვების სათარგმნად მჭირდებოდა ინტერნეტი. ამ დროს უკვე ისეთი ნერვებმოშლილი ვიყავი, მეტად გაბრაზების თავიც კი აღარ მქონდა 😀 ჩემს უიღბლობაზე უკვე სულელივით ვხარხარებდი 😀

აქვე რომ არ აღვნიშნო თელასის ეგრეთ წოდბული “ცხელი ხაზის” მეტად “ოპრატიული” მოქმედება, არ შემიძლია… ცხელი კი არა, ყველაზე დონდლო და უპასუხისმგებლო ხაზია ალბათ. თუ კი ყურმილს მაინც არავინ აიღებს, რაღას არქმევენ ცხელ ხაზს? ზოგადად, ამ ქვეყანაში სადმე ორგანიზაციაში რომ რეკავ, დიდი რკინის ნერვებია საჭირო. მაგრამ აი თელასი, ნამდვილად აუღებელი ციხე-სიმაგრეა…

ჩავაბარე და ამოვისუნთქე!!!! :)))))

ადრეც მქონდა რამდეჯერმე მცდელობა მაგათთან დაკავშირების მაგრამ ვერც ერთხელ ვერ მივაღწიე იმას, რომ ვინმეს საერთოდ ტელეფონზე ეპასუხა.

ჩემს გამოცდას დავუბრუნდები ისევ 🙂 ამდენი განცდების შემდეგ, საბოლოოდ, კარგად ჩაიარა ყველაფერმა, ჩვენი ჯგუფის თემა იყო “სოციალური მედიაvs ტრადიციული მედია”. ჩემი საკითხი იყო “ქართული ჟურნალისტიკა სოციალური მედიის კვალდაკვალ”. თუ არ ჩავთვლით ერთ მომენტში ცოტა დაბნევას, მეტი ტრაგიკული არაფერი ჩამიდენია 😀

პირველი გამოცდა ჩავაბარე, ამ გადმოსახედიდან უკვე შემექმნა რაღაც წარმოდგენა ჯიპაზე. გარედან მაინც სულ სხვანაირად ჩანს ყველაფერი, ზოგი რამ გამართლდა, ზოგიც არა, მაგრამ, რაც მთავარია, უკვე ვიცი, რომ იქ ვარ, სადაც  მინდოდა რომ ვყოფილიყავი (რა თქმა უნდა, ლაიფციგის უნივერსიტეტის შემდეგ, სადაც მინდოდა, რომ მაგისტრატურა გამეკეთებინა და რამის ისიც კი ზეპირად ვიცოდი, რომელ სემეტრში რა უნდა გვეკეთებინა 😀 ) – საინტერესო გარემოა, საინტერესო ლექტორებით და საინტერესო კურსელებით 🙂

ბოლოს მინდა ერთი ლინკი გაგაცნოთ 🙂  დღეს გამოცდაზე დაგვეწრო ამერიკიდან მოწვეული ლექტორი და ჯიპას მიმღები კომისიის ერთ-ერთი წევრი Keith R. Kenney, რომელმაც მოგვცა თავისი ბლოგის მისამართი და ამ ბლოგის თვალიერებისას უცებ გადავაწყდი ჯიპაში ჩვენი მიღებისას გავლილი გასაუბრებების შესახებ დაწერილ პოსტს 🙂 თუ თქვენც გაინტერესებთ რა შთაბეჭდილება დავტოვეთ ამ კაცზე და რამ გააოცა ყველაზე ძალიან, ესტუმრეთ მის ბლოგს 🙂 სხვათაშორის, საქართველოზეც უწერია პოსტები და როცა მოვიცლი, უნდა გადავხედო 🙂 ძალიან მაინტერესებს ხოლმე უცხოელების თვალით დანახული საქართველო 🙂

პატივცემული Google და მისი ოჯახი

არ მეგულება ინტერნეტის მომხმარებელი, რომელსაც, ერთხელ მაინც, დახმარებისთვის Google-სთვის არ მიემართოს. Google-ის ხსენებაზე უმრავლესობას საძიებო სისტემა ახსენდება, მაგრამ ,სინამდვილეში, ეს ბრენდი თავისი სახელის ქვეშ სხვა უამრავ საჭირო და გამოსადეგ პროდუქტს აერთიანებს. შეიძლება ითქვას, რომ Google ერთი დიდი ოჯახია, სადაც ყველანი მშვიდად და თანასწორად ცხოვრობენ 🙂

ეს ოჯახი თავისი სტუმართმოყვარეობით გამოირჩევა 🙂 უკმაყოფილო ვინმე მათგან იშვიათად მიდის – შესაშური მასპინძლობა იციან, დაუღალავი და დაუზარელი 😀 თან ძალიან ჭკვიანები არიან – ყველა სფეროში არიან გაბნეულები და რა საკითხი უნდა იყოს, რომ პასუხი არ ჰქონდეთ 🙂 ამიტომაც მათთან ყველა მეგობრობს, პატივს სცემენ და აფასებენ 😀 მეც ერთ-ერთი რიგით ფანი ვარ 😉 ნება მომეცით, წარმოგიდგინოთ, მისი უდიდებულესობა Google და მისი ოჯახი 🙂

მოდით, ასაკიდან დავიწყოთ 🙂 თქვენ Google ვინმე “დიდი ძია” გგონიათ??? მაშინ ცდებით 🙂 სინამდვილეში არც ისე დიდია – 13 წელი სულ ახლახანს შეუსრულდა 🙂 თინეიჯერია 😀 მაგრამ პრობლემური ასაკი, ჯერ-ჯერობით, მასზე გავლენას ვერ ახდენს და ისევ ისეთ ბეჯითი და ნიჭიერია 😀 დღეს Google-ის საძიებო სისტემაზე აღარ შევჩერდები, მასზე უკვე გიამბეთ, უფრო მისი ოჯახი მინდა წარმოგიდგინოთ 🙂

Google-ს ბევრი შვილები ჰყავს, ახლავე გაგაცნობთ მათ –

Gmail  –  უფასო ელექტრონული ფოსტა, რომელიც 2004 წელს შეიქმნა. მე Gmail-ს პატივს ვცემ, თუმცა ჩვენ ვერ ვმეგობრობთ 😦 ინტერფეისს ვუწუნებ 😛

Google Chrome  –  ვებ-ბრაუზერი, რომელიც ერთ-ერთ უსწრაფეს ბრაუზერად ითვლება. შექიმნა 2008 წელს.

–  Google Earth –  3D ვირტუალური გლობუსი, მუდმივად განახლებადი სურათებით და ინფორმაციით. შეიქმნა 2004 წელს.

–  Picasa – ციფრული ფოტოების ორგანიზაციის და დამუშავების პროგრამა, ძალიან მოსახერხებელი და მარტივი 🙂 მიყვარს ❤ განსაკუთრებით მხიბლავს მისი ის ფუნქცია, რომ Picasa-ს ვერაფერს გამოაპარებ 😀 თუ კი კომპიუტერში სადღაც რაღაც ფოლდერში ფოტო გეგდო და აღარც გახსოვდა ის ფოტო თუ კი არსებობდა, ისე ამოგიქექავს და გამოგიტანს, რომ არც კი დაგეკითხება 😀 Google ფლობს 2004 წლიდან.

Android – ოპერატიული სისტემა სმარტფონებისა და ე.წ. “ტაბლეტებისთვის”. შეიქმნა 2003 წელს.

Blogger – ბლოგის შესაქმენლი პლატფორმა. Google-მა შეიძინა 2003 წელს.

–  Google Maps –  მსოფლიოს ონლაინ რუკა. შეიქმნა 2004 წელს.

–  Google Reader –  ვებ-საიტებიდან ახალი პოსტების გამოსაწერი სისტემა. შეიქმნა 2005 წელს.

–  Google Docs – დოკუმენტების შესაქმენლი ონლაინ სისტემა. შეიქმნა 2005 წელს.

 –  Google Wallet – ვირტუალური ელექტრონული საფულე, რომელიც ანდროიდის სისტემის მქონე სმარტფონეზე ფუნქციონირებს. შექიმნა 2011 წელს.

Youtube –  ვიდეო პორტალი, რომელსაც წარდგენა არ სჭირდება 😀 შეიქმნა 2005 წელს და მომდევნო წელს Google-მა შეიძინა.

 – Google AdSense – Google-ის სარეკლამო სერვისი, რომლის საშუალებითაც  საიტის მფლობელებს შეუძლიათ საკუთარ გვერდზე რეკლამის განთავსება. შეიქმნა 1998 წელს, Google-მა შეიძინა 2003 წელს.

Google Calendar – ვებ-აპლიკაცია, რომელიც დღის, კვირის, თვის, წლის გეგმის შედგენის საშუალებას იძლევა. შეიქმნა 2006 წელს.

iGoogle – Google-ის პერსონალური საწყისი გვერდი, რომელსაც მომხმარებელი თავად ქმნის Gadget-ებით. შექიმნა 2005 წელს.

  Google +  –   Google-ის სოციალური ქსელი. შეიქმნა 2011 წელს.

Picnik – ციფრული ფოტოების დასამუშავებელი ონლაინ პროგრამა. დაარსდა 2005 წელს, Google-მა შეიძინა 2010 წელს.

Google Books –  Google-ის დასკანერებული წიგნების ონლაინ ბაზა. შეიქმნა 2004 წელს.

Google Translate – უფასო ონლაინ თარჯიმანი. თარგმნის 57 ენაზე, მათ შორის ქართულადაც. გამოვიდა 2006 წელს.

Google Talk – Google-ის ჩატი. შეიქმნა 2005 წელს.

და ეს ყველაფერი არ არის, მე არ გამიმახვილებია ყურადღება პროგრამებზე, რომელიც, მაგალითად, პროგრამისტებს სჭირდებათ – Google Code Search, Google Webmaster Tools, Google Web Toolkit, Google Website Optimizer, Google App Engine, Google Analytics და ა.შ.და ასეთი პროგრამა უამრავია.

ასეთი მდიდარი და მრავალფეროვანი ოჯახი  ყველას უნდა 😀 შთამბეჭდავია სიაა, არა? 😀