Tag Archive | ბედნიერება

ორი წელი ერთად ♥

უკვე ორი წელი გავიდა. არადა გუშინდელივით მახსოვს ჩვენი გაცნობა 🙂 ორივე ძალიან სასაცილოები ვიყავით ^^

ყველაფერი ნათლად მახსოვს – არც კი მიცდია დამალვა, რომ მომწონდი და სრულიად უცნობმა ადამიანებმა ძალიან ბევრი საერთო აღმოვაჩინეთ ერთმანეთში 🙂

ისე გადიოდა დღეები, რომ საერთოდ არ ვჩხუბობდით, იშვიათად ვკამათობდით, არასოდეს გავბუტულვართ…

ვერ წარმოვიდგენდი ასეთი სიყვარული თუ შემეძლო… მე – სრულიად არარომანტიკული ადამიანი, რაღაცნაირად შევიცვალე 🙂 მაგრამ მთლად შენნაირი რომანტიკული მაინც  ვერ გავხდი 🙂

ორი წელია ჩემ გვერდით ხარ და მე ბედნიერი ვარ ამით ♥ მთლიანად მავსებ, მაძლევ ყველაფერს, რაც მჭირდება, ვგრძნობ შენს არსებობას ყველაზე რთულ სიტუაციებში, მამხენევებ და მამშვიდებ :-* ახლა ბოლომდე ვხვდები რას ნიშნავს გყავდეს მეორე ნახევარი ♥ ჩემი მეორე ნახევარი შენ ხარ – უშენოდ უბრალოდ სრულყოფილად ვერაფერს გავაკეთებ. შენი არსებობა და შენი გვერდში დგომა ძალიან მჭირდება ^.^

ყველაზე მეტად რაც მიყვარს შენში, არის შენი გაწონასწორებული და მშვიდი ხასიათი 🙂 ჩემი აუღელვებელი სიყვარული ხარ 🙂 ამითაც კი ერთმანეთს ვაბალანსებთ 🙂 მე – ყველაზე ემოციური და მშიშარა, როგორც შენ მეძახი – გამოუსწორებელი პესიმისტი 😀  და შენ – ყველაზე მშვიდი და დალაგებული :)დაფიქრებული და მოზომილი 🙂

რამდენი ხანია ერთმანეთისთვის სახელით აღარ მიგვიმართავს 🙂 გახსოვს ბოლოს როდის დამიძახე “მარი”? მე არ მახსოვს 🙂

ყველაზე ყურადღებიანი, ყველაზე მოსიყვარულე, ყველაზე თბილი და ყველაზე საყვარელი ხარ ^.^

არც კი მინდა გავიფიქრო – რა იქნებოდა უშენოდ…

შენ უბრალოდ ჩემი ქმარი არ ხარ… არ მიყვარს  ეს სიტყვა… არც მეუღლე ხარ… არც ეგ მომწონს…. შენ ხარ ჩემი სიყვარული – და რაც კი უკავშირდება სიტყვა “სიყვარულს”, ის ყველაფერი ხარ… ♥ ვნება და ტკივილი ხარ, სევდა და მონატრება ხარ, ცრემლი და სიხარული ხარ, ბედნიერება და ჰარმონია ხარ ♥

ორი წელია გიცნობ, არადა მგონია, რომ მთელი ცხოვრებაა ერთად მოვდივართ 🙂 მინდა რომ ასე გაგრძელდეს… დაუსრულებლად… და ყოველთვის, ყოველ დილით მხოლოდ შენი კოცნა და ჩახუტება მაღვიძებდეს ♥

მიყვარხარ… უზომოდ… და უსაზღვროდ… ბედნიერი ვარ, რომ ჩემ გვერდით ხარ და რომ მე შენ გიპოვე ♥

Love is you,
You and me,
Love is knowing,
We can be….

Advertisements

შემოდგომა საგაზაფხულო განწყობით

წელიწადის ეს დრო დიდად არ მიყვარს, შემოდგომის გახსენებაც კი სევდიან განწყობაზე მაყენებს, პირველი ასოციაცია, რაც თავში მომდის არის სიცივე, რაც ძალიან ძალიან არ მიყვარს. საერთოდ არ ვარ “ზამთრის ტიპი”. აი ხომ არიან ადამიანები თოვლზე, გუნდაობაზე, თხილამურებზე და ა.შ. რომ გიჟდებიან. მე კიდევ არც ერთი მიყვარს, არც მეორე, მესამე არ ვიცი და ვერაფერს ვიტყვი 😀

შემოდგომა ჩემთვის არის ცივი, უმზეო, უხალისო დღეები, როცა გარეთ გასვლა არ მინდა, როცა გარეთ სიარული მეზარება, როცა ოთახში რაღაცნაირად ბნელა, რადგანაც მოქუფრული ცაა გარეთ. და ეს ყველაფერი ძალიან მოქმედებს ჩემს განწყობაზე. I need the sun for good mood 😀 ტყუილად არ დამირქმევია ამ ბლოგისთვის მზის მოყვარულის ბლოგი 🙂

თქვენ თუ მეტყვით, რომ შენ შემოდგომაზე ტყეში არ წასულხარ ალბათ და იმიტომ ამბობ ასეო, ცდებით მეგობრებო 😀 აი შემოდგომის ტყე სულ სხვაა მართლა 🙂 მაგრამ ტყე და ღრე მე ვიცი შაბათ-კვირას კაცო 😀 ყოველდღიურად ტყეში რა ჯანდაბა მინდა 😀 და ყოველ დღე სადაც ვარ, იმ გარემოში კიდევ არ მიყვარს ეს შემოდგომა.

სულ სხვაა გაზაფხული, როცა ყველაფერს ახალი ენერგიით იწყებ, რაღაც გეგმებს ალაგებ, რაიმეს ელოდები, აქტიურობის განწყობაზე ხარ, მზის პატარა სხივიც კი გათბობს… ახლა ამ შემოდგომაზე ზუსტად საგაზაფხულო განწყობა მაქვს 🙂 მომატებული მოტივაციით, მეტი ენერგიით და შემართებით ვარ. სხვანაირად როგორ უნდა ვიყო – ყველაფერი ისე მიდის, როგორც დაგეგმილი მქონდა 🙂 სულიერი სიმშვიდის და ჰარმონიის პერიოდი მაქვს 😀

ბედნიერი ადამიანები და მე

“Each morning when I open my eyes I say to myself: I, not events, have the power to make me happy or unhappy today. I can choose which it shall be. Yesterday is dead, tomorrow hasn’t arrived yet. I have just one day, today, and I’m going to be happy in it.”

– Groucho Marx

სულ შემთხვევით გადავაწყდი ამ ფრაზას ინტერნეტში. არც გრაუჩო მარქსის სახელი გამეგო დღემდე, არც არაფერი მსმენოდა მის შესახებ. თურმე ამერიკელი მსახიობი ყოფილა 🙂  ამ ფრაზას კი სრულიად ვეთანხმები.

არავინ იცის რა არის ბედნიერების საზომი, ეს ჯერ არავის დაუდგენია. ზოგს რა ხდის ბედნიერად, ზოგს –  რა. ყველა ცდილობს იყოს ბედნიერი და ამის მიღწევას სხვადასხვა ხერხით ცდილობს – ტკბილი ოჯახი, წარმატებული კარიერა, ბევრი ფული, კარგი მეგობრები და ა.შ. ზოგს ბედნიერების მისაღწევად ნარკოტიკი და ალკოჰოლის “დახმარებაც” სჭირდება 😀 ამდენი მცდელობის შემდეგ კი ყველა თავის წილ ბედნიერებას იღებს. ერთი რამ კი სრულიად ნათელია – ყოველი დღე კარგად უნდა გამოიყენო.

რამდენჯერ მითქვამს რა ბედნიერი ან რა უბედური ვარ-თქო. არადა რა მარტივია იყო ბედნიერი. ვცდილობ გავითვალისწინო ხოლმე, რომ –

  • ოპტიმისტები ბედნიერი ადამიანები არიან. ისინი, ჩემგან განსხვავებით, გამუდმებით არ წუწუნებენ და იმედით უყურებენ მომავალს. 🙂
  • ბედნიერები არიან ადამიანები, რომელთაც მცირე წარმატებაც ახარებთ  (თუმცა ეს არ ნიშნავს თვითკმაყოფილებით ტკობის მიცემას და მიზნისკენ მიმავალ გზაზე შეჩერებას) და ჩემგან განსხვავებით, წარუმატებლობის შემდეგ თვითგვემას არ იწყებენ და უფრო დიდი ენთუზიაზმით და მოტივაციით ცდილობენ წარმატების მიღწევას.
  • ბედნიერები არიან ადამიანები, რომელთაც გარისკვა შეუძლიათ და, ჩემგან განსხვავებით, მშიშრები არ არიან 😦 მე ყოველი ახალი საქმის დაწყების წინ მილიონჯერ უნდა ავწონ-დავწონო ყველაფერი, გავაანალიზო დადებითი და უარყოფითი მხარეები, მოვემზადო ნებისმიერი შედეგისთვის და ამასობაში იმდენი ვინერვიულო, რომ წარმატების შემთხვევაშიც კი, ფასი დავუკარგო ყველაფერს. რატომ ვარ ასეთი, რატომ….. :@ ხომ შეიძლება ცოტა “ლაითად” აღვიქვა ყველაფერი…
  • ჩემთვის ბედნიერები არიან ის ადამიანები, რომლებიც დღევანდელი დღით ცხოვრობენ, დროის მართვა შეუძლიათ და საკუთარი თავის რეალიზაციას ახდენენ.

ბოლოს კი ერთ ფრაზას დავწერ, რომელიც ძალიან მიყვარს, თუმცა, სამწუხაროდ, ავტორი არ ვიცი –

“Sobald du beginnst mit dem Herzen zu denken, mit der Seele zu lieben und mit dem Geist zu fühlen, wirst du die Welt anders sehen.”

“როგორც კი ფიქრს გულით დაიწყებ, გონებით შეიყვარებ და სულით შეიგრძნობ, სამყაროს სხვანაირად დაინახავ.”

ალბათ ბედნიერი ადამიანები ასე ცხოვრობენ. 🙂

P.S. არ ვიცი თქვენ რა იფიქრეთ ჩემზე, მაგრამ სინამდვილეში ძალიან ბედნიერი ვარ 😀 ^^